Shkrumbohet banesa në Gjirokastër, dyshohet se flakën ia vuri qëllimisht gjyshi i shtëpisë

Një banesë është djegur sot në Gjirokastër.

Banesa saktësisht në lagjen ‘’Zinxhiria’’ i përket Tafil Tafilit dhe ajo është shkrumbuar tërësisht me orenditë shtëpiake që ndodheshin brenda saj.

Policia dhe zjarrëfikëset kanë shkuar në vendngjarje.  Dyshimet fillestare janë se zjarri ishte i qëllimshëm.

Dyshohet se flakët i ka vendosur vetë gjyshi i pronarit të shtëpisë Tafil Tafilit, i cili ka probleme mendore.

Tafil Tafili jeton në Janinë të Greqisë dhe në momentin e zjarrit nuk ka pasur njerëz brenda.

Po hetohen shkaqet e vërteta të ngjarjes.