Shoqëria civile dhe qytetarë për të pestën ditë radhazi kanë marshuar në Tiranë lidhur me projektin për investim në Zvërnec të Vlorës.
Qytetarët u grumbulluan në sheshin “Skënderbej” dhe nga aty marshuan drejt Kryeministrisë, ku mbajtën dhe një minutë heshtje në nderim të efektivit të Policisë së Shtetit, Enea Mekolli që humbi jetën në krye të detyrës në Maliq.
Me pankarta në duar qytetarët kërkuan anulimin e projektit, duke shprehur shqetësimet e tyre për ndikimin që ai mund të ketë në mjedis dhe në pasuritë natyrore të zonës.
Protestuesit kanë paraqitur pesë pika për qeverinë: Dorëheqjen e kryeministrit; Shfuqizimin e statusit dhe të kuadrit ligjor që lidhet me investitorët strategjikë; Shfuqizimin e Paketës së Maleve; Anulimin e ndryshimeve në Ligjin për Zonat e Mbrojtura; Anulimin e ndryshimeve në Ligjin për Trashëgiminë Kulturore.
Protesta e cila nisi në orën 18:00 u mbyll në 21:30, teksa u bë thirrje për një marshim tjetër nesë në orën 18:00.
Dita e pestë e protestës kundër projektit në Zvërnec. Foto: Andrin Hoxha (Arbi FORTUZI)///
ME SHUME LAJME
“Si Viaggia”: Saranda mes perlave të Mesdheut: Destinacionet më tërheqëse për qershorin
Aksident i rëndë në Fushë Vëri, në aksin Kardhiq–Delvinë, humb jetën një person, tre të plagosur.
“Discoverthisearth”: Shqipëria, një nga destinacionet turistike me rritjen më të shpejtë në Evropë