Joan MUZHAQI-SARANDANEWS.AL
Pavarësisht nga ritualet tradicionale zyrtare për çeljen ceremoniale të sezonit turistik vjetor, duhet thënë se de fakto, sezoni turistik në Sarandë dhe rajonin e saj, ka nisur qysh në muajin mars.
Përëgjatë disa mandateve që qeverisjes lokale në Sarandë ka patur praktika dhe protokolle të ndryshme për ceremonitë e çeljes së sezonit turistik.
Në mandatin e ish kryebashkiakut Stefan Çipa nga zyrtarët lokalë u pa e udhës që ceremonia e çeljes të niste me disa fjalime për të vijuar me Festën e Midhjes , një festë lokale e mirëpritur edhe si nje identitet për Sarandën.
Por sa ‘zuri vend’ kjo festë lokale me simbolikën e sezonit të ri turistik, gjithologë, ideatorë dhe rishtarë e hoqën dhe ia kaluan Ksamilit. Për t’u shuar më pas pas si një flakë kashte…!
Dhe Saranda mbeti pa nje Festë Lokale .
Por sezoni turistik gjatë 2023-it ka nisur dhe flukset e turistëve po shënojnë rritje nga muaji në muaj.
Sikurse ndodhi në 2019 përpos grupeve turistike të mbërritura nëpërmjet operatorëve turistikë, po shtohen mbërritjet në grupe të vogla që e ‘kanë gjetur vetë’ Sarandën.
Nga ana tjetër nuk mund të mohohen përpjekjet e bashkisë Sarandë dhe prefektit të Qarkut Vlorë për masat e marra për mbarëvajtjen e vitit turistik 2023.//sarandaNews.al///
ME SHUME LAJME
Zbardhet dinamika e vrasjes në Sarandë, shpallet në kërkim autori dhe pesë të tjerë
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”
Një karrocë fëmijësh për kryeministrat