Zjarri në Sazan, 61 efektivë në terren për neutralizimin

Në pyjet e ishullit të Sazanit në Vlorë te dielen ka rënë zjarr me të cilin po luftohet për ta vënë në kontroll.

Ministri i Mbrojtjes Niko Peleshi njofton se, që prej mesditës, 61 efektivë, kryesisht të Forcës Detare dhe forcat e gatshme të Forcës Tokësore, së bashku me zjarrfikës të Vlorës, po punojnë për shuarjen e zjarrit të rënë në ishullin e Sazanit.

“Përpjekjet maskimale vijojnë në kushte tepër të vështira ku terreni dhe bimësia vështirësojnë fikjen e zjarrit”, njoftoi Peleshi në rrjetet sociale.

Po ashtu, ministri Peleshi bëri të ditur se terreni dhe bimësia e dendur kanë vështirësuar tej mase ndërhyrjen e trupave, ndërkohë që si një ish-repart ushtarak, rrezik paraqesin dhe municionet e pashpërthyera.

Trupat në terren vazhdojnë përpjekjet edhe gjatë orëve të pasdites, ndërkohë që janë marrë masa për zëvendësimin dhe shtimin e tyre.///