Ndërron jetë një 79-vjeçar në Spitalin Infektiv, viktima e 11 e COVID-19
Mëngjesin e sotëm ka ndërruar jetë në spitalin Infektiv një pacient 79-vjeçar nga Tirana, i konfirmuar me COVID-19.
Lajmi është konfirmuar nga ministria e Shëndetësisë, në deklaratën e drejtoreshës së Institutit të Shëndetit Publik, Albana Fico.
79-vjeçari me inicialet B.H. ishte prej 18 ditësh i shtruar në spitalin infektiv. I moshuari ishte përmirësuar ditët e fundit por ndërroi jetë nga një infarkt kardiak. 79-vjeçari është viktima e 11 e prekur nga COVID-19 në Shqipëri.
Nderkaq, në shërbimin infektiv aktualisht janë 74 të shtruar. Prej tyre 7 janë në terapi intensive nga të cilët 4 janë të intubuar. Pjesa tjetër e të shtruarve në pavion janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” eshte një pacient të shtruar.
Në 24 orët e fundit janë shëruar 4 persona dhe deri tani jane 44 të shëruar pas testeve të kontrollit të kryera kanë rezultuar negativë.//R-SR//
ME SHUME LAJME
AKU kërkon tërheqjen nga tregu të sallamit “Galbanetto”, rrezik serioz për shëndetin
Sarandë. Polici merret peng nga të ndaluarit për disa orë brenda Komisariatit.AMP nis hetimet.
POETËT PA POEZI