Fjalë të çmuara/ Durimi nuk ka të bëjë me pritjen, por me sjelljen tonë kur gjërat vonojnë më shumë nga ç’presim

 “Durimi nuk ka të bëjë me pritjen , por me sjelljen  tonë kur gjërat vonojnë më shumë nga ç’presim”, citoi sot kryeministri Edi Rama, duke zgjedhur të tjera fjalë të çmuara për të përcjellë mesazhin e tij.

Ishin këto fjalë të shkrimtarit të njohur Paulo Coehlo që Kryeministri Rama përcolli mëngjesin e sotëm përmes rubrikës “Fjalë të Çmuara”.

Ndërkohë që në Shqipëri vijojnë të zbatohen masat kundër përhapjes së COVID-19, duke kufizuar më tej lëvizjen e qytetarëve, autoritetet shtetërore vazhdojnë t’i bëjnë  thirrje qytetarëve të qëndrojnë në shtëpi dhe të zbatojnë të gjitha rregullat e distancimit social/R-SR//