SARANDE-Anila Denaj, kandidatja socialiste në takimin me operatorët turistikë: Ta bëjmë Sarandën me turizëm gjithëvjetor!

“Ta bëjmë Sarandën qytet me turizëm gjithëvjetor!”.

Ky ka qenë objektivi I  deklaruar sot nga kandidatja me nr 4 për Partinë Socialiste, për Qarkun e Vlorës, Anila Denaj, gjatë një takimi me operatorët turistike ku diskutuan mbi problematikat dhe avantazhet që ka qyteti i Sarandës.

 “Zgjodhëm anijen dhe detin, të zhvillonim një takim me përfaqësues të operatorëve turistikë, agjencive detare e hoteliere në Sarandë, për të folur për turizmin aty ku ai merr vlerë. –tha Denaj.

Ne takimin me operatoret turistike Denaj eshte shoqeruar nga kryetari i bashkise Adrian Gurma dhe kryetari i shoqates se Biznesit Turistik njeheresh edhe keshilltar bashkiak, Ben Cipa.

“Me Ben Çipën, kryetarin e shoqatës dhe kryetarin e Bashkisë ndamë problematikat dhe aspektet e zhvillimit të sektorit, në prag të fillimit të sezonit dhe vizionin për ta bërë Sarandën një qytet me turizëm gjithëvjetor, ”  -shkruan Denaj në rrjetet e saj sociale. ” Për kandidaten socialiste dhe kreun e Ministrisese Financave dhe Ekonomise, ka rëndësi primare koordinimi I punës mes pushtetit vendor, qeverisë dhe vet operatorëve turistike.

“Do të jemi të koordinuar mes pushtetit lokal, Qeverisë dhe sipërmarrjeve turistike që të zgjidhim problematikat, para hapjes së sezonit turistik,-ka thën sot  tha Denaj, e cila si kandidate për deputete e kësaj zone, premtoi, se mbetet e angazhuar, dhe do të jetë në mbështetje të sipërmarrjes, me qëllim lehtësimin dhe promovimin e tyre edhe në mandatin e 3 të Partisë Socialiste”.//SARANDANEWS.AL///