SARANDË-Ndahet nga jeta në moshën 70-vjeçare aktori sarandiot i humorit, Haki Spaho

Është ndarë nga jeta në moshën 70-vjeçare si pasojë e një ishemie cerebrale, aktori i mirenjohur i humorit në Sarandë, Haki Spaho.

Me mbi 40 vjet karrierë, Haki Spaho sikurse eshte vleresuar prej kritikes, ishte një prej ikonave të humorit sarandiot, i njohur për mimikën e veçantë, artikulimin ngacmues dhe lojën krejt të natyrshme.

I vleresuar shpesh si “i madhi shtatshkurter” Haki Spaho, pruri ne skene nje galeri te tere personazhesh dhe karakteresh duke sjelle humor e buzeqeshje te bashkeqytetaret ne disa breza !

Ai lindi në Korçë, më 28 tetor dhe Saranda iu bë familje. Me temperamentin e veçante, dhuntite si karakter komik, dhe punes se regjisorit te njohur Thoma Milait, ai behet pjesë e trupës së aktorëve të kësaj Estrade në vitin 1969. dhe derisa doli ne pension, mbeti nder aktoret kryesore me te pelqyer duke sjelle ne skene mbi 600 role .

Per kontributin e tij te shquar ne skenen e humorit nder vite, Haki Spaho është nderuar me dekoratën “Naim Frashëri i Artë”.

Ai bënte një jetë të thjeshtë qytetare, i apasionuar dhe pas kitares peshkimit me pezevol , duke përcjellë në publik rrezatimin e një njeriu me sens artistik edhe në sferën e marrëdhënieve shoqërore.

Saranda dhe jo vetëm, do ta kujtojnë përherë me respekt aktorin e shquar te humorit, Haki Spaho.

Duke percjelle pikellimin per ndarjen nga jeta te njeriut , mikut dhe aktorit te njohur komik, Haki Spaho, SARANDANEWS.AL, u shpreh ngushellimet familjareve dhe miqve te Tij! Lamtumirë, Haki Spaho!///SARANDANEWS.AL///