Basha: Veting në politikë për pastrimin e institucioneve

 Kryetari i Partisë Demokratike, Lulzim Basha ka reaguar përmes një mesazhi, ku bën thirrje për veting në politikë.

Sipas Bashës, që shteti të çlirohet nga kapja e pushtetarëve të lidhur me oligarkët nevojitet vetingu në politikë.

“Kapja e shtetit nga pushtetarët e lidhur me oligarkët, ka arritur nivelin më të lartë në rajon, duke dëmtuar tregun, duke rritur çmimet e vrarë vende pune. Prandaj, edhe këtë vit, projektbuxheti po miratohet për t’u dhënë thelat oligarkëve dhe thërrimet qytetarëve. Që shteti të mos jetë në duart e një pakice të vogël njerëzish, që ekonomia të jetë konkurruese dhe sipërmarrësit e ndershëm të jenë të lirë të krijojnë mirëqenie, na nevojitet vetingu në politikë. Për pastrimin e institucioneve nga të gjithë ata që, duke abuzuar me pushtetin, kanë paralizuar demokracinë dhe kanë shkatërruar ekonominë e familjeve shqiptare”, shprehet Basha.///