Kryetari i Partisë Demokratike, Lulzim Basha reagoi sot pas lajmit të publikuar në disa medie, të cilat raportuan se publikimi i pagave të qytetarëve ka si burim AKSHI-in, pasi nga po kjo agjenci doli edhe database me të dhënat e qytetarëve.
Në një reagim, Basha tha se “e vërteta vonon, por nuk harron”.
“Skandali i pagave dhe skandali i patronazhistëve nuk janë gjë tjetër veçse konfirmimi i masakrës zgjedhore, konfirmimi i raportit të OSBE/ODIHR, konfirmimi se ndryshimi u pengua dhunshëm nga partia-shtet”, u shpreh ai.
Për kreun e PD-së, Basha, drejtësia duhet t’i shkojë deri në fund hetimit.
“Frymëzuesi dhe mbrojtësi i nxjerrjes në pazar të të dhënave personale të qytetarëve shqiptarë duhet të mbajë përgjegjësi dhe drejtësia duhet t’i shkojë deri në fund këtij skandali të paprecedentë që ka tronditur themelet e shtetit”, deklaroi Basha.///
ME SHUME LAJME
9 Maji, Dita e Evropës
Zbardhet dinamika e vrasjes në Sarandë, shpallet në kërkim autori dhe pesë të tjerë
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”