Sarandë: Hotelierë të qytetit bregdetar shprehen të gatshëm të mirëpresin  ukrainas të larguar nga agresioni rus.

– Disa administratorë të hotelerisë në qytetit bregdetar të Sarandës, në shenjë solidaritati më popullin e Ukrainës pas agresionit rus, janë të gatshëm të mirëpresin  pa shpërblim qytetarë nga Ukraina të cilët janë largarr nga agresioni rus.

Arben Hito është njëri prej administratorëve të hotelerisë i cili prej shumë vitesh në hotelin “ILIRIA” në rrugën kryesore Sarandë-Butrint, ka pritur më parë turistë nga Ukraina.

“Kemi rreth 20 vite eksperiencë me  turistët e vendeve lindore dhe vetëm vitin e kaluar, rreth 15 përqind e turistëve që frekuentuan hotelet tona, ishin pikërisht nga vendet e Evropës Lindore, përfshi Ukrainën” -u shpreh se fundi Hito.

Nisma e Hitos nuk është e vetmja .Ajo është përqafuar edhe nga administratorë të tjerë të hotelerisë në Sarandë dhe Ksamil.

Sipas burimeve tw sarandanews.al, tuuristët e vendeve të Evropës Lindore nga Polonia, Ukraina, Bjellorusia, etj., e kanë frekuentuar Sarandën dhe Ksamilin ndër të parët turistë te huaj, duke nisur nga muaji mars dhe prill.

Saranda dhe rajoni i saj, është e mirënjohur për solidaritetin e banorëve dhe bizneseve me qytetarët e  detyruar të largohen nga shtepitë e vendeve të tyre për shkak të represionit nga agresioni dhe vatrat e luftës.

Vetëm gjatë vitit 1999, në Sarandë dhe rajonin e saj u mirëpritën qindra familje kosovare, të deportuara nga dhuna serbe e Milosheviçit në Kosovë  /SARANDANEWS.AL///