Vogëlushja ukrainase kurseu paratë për një iPhone, por bleu një jelek… antiplumb

– Kur një vajzë 7-vjeçare në Ukrainë zbrazi derrkucin e saj, nuk mendoi për atë që do të blinte për vete, por për të paguar një jelek antiplumb për një ushtar.

”Vajza nga qyteti i Kropyvnytskyit, në rajonin qendror të Kirovohradit, pothuajse kishte kursyer mjaftueshëm për të blerë një iPhone kur filloi pushtimi rus i Ukrainës”, raportoi stacioni televiziv ukrainas ”1+1”.

Më pas ajo i sugjeroi nënës së saj se mund t’i përdorte kursimet për të ndihmuar ushtarët ukrainas.

”Thjesht vendosa të përdor paratë në mënyrë që lufta të përfundojë shpejt”, tha vajza.

Kursimet e saj nuk mjaftonin për të blerë jelekun, kështu që ajo shiste lule dhe vizatime në rrugë.

Anëtarët e grupit vullnetar për të cilët ajo bleu jelekun antiplumb, thuhet se u prekën aq shumë nga akti i vajzës së vogël, sa ia plotësuan ëndrrën dhe i bënë dhuratë një iPhone/KIEV, ATSH-DPA///