Blinken: SHBA dhe partnerët si Britania e Madhe po mbajnë përgjegjës ata që kërcënojnë stabilitetin

Sekretari i Shtetit, Antony Blinken reagoi sot pas vendimeve të Zyrës së Departamentit të Thesarit të Shteteve të Bashkuara për Kontrollin e Pasurive të Huaja (OFAC) dhe Departamentit Amerikan të Shtetit për të sanksionuar zyrtarë në Ballkanin Perëndimor.

Në reagimin e tij Blinken theksoi se, “sot, Departamenti i Shtetit dhe Zyra e Departamentit të Thesarit të Shteteve të Bashkuara për Kontrollin e Pasurive të Huaja (OFAC) ndërmorën veprime për të caktuar aktorë në Ballkanin Perëndimor për aktivitete destabilizuese dhe korruptive”.

“SHBA dhe partnerët si Britania e Madhe po mbajnë përgjegjës ata që kërcënojnë stabilitetin, përparimin dhe integrimin evropian të rajonit”, u shpreh Blinken.

Zyra e Departamentit të Thesarit të Shteteve të Bashkuara për Kontrollin e Pasurive të Huaja (OFAC) përcaktoi sot shtatë individë dhe një ent në katër vende të Ballkanit Perëndimor, mes tyre edhe biznesmenin Ylli Ndroqi dhe ish-deputetin Aqif Rakipi.///