Nga Dorian KOÇI
Piktori francez Luis Dypre para se të vizitonte Pashallëkun e Janinës qendroi në Korfuz. Aty njohu dhe takoi shumë shqiptarë që kishin qenë pjesë e regjimentit “Gjuajtësit e Orientit” të krijuar nga francezët e të mbështetur më vonë dhe nga britanikët. Mes portreteve që realizoi bie në sy ai i Foto Bikos nga Suli. Përveç kostumit tradicional shqiptar, modës së flokëve të gjata alla shqiptarçe por arbërore si i përmend dhe Gjon Muzaka tek Kronika e tij, bien në sy koburet gjarpërushe dhe krahas tyre dividi-mbajtësi i penës, të gjitha të lara me argjend.
Foto Bikos për ti shpëtuar anonimatit rrëfen Dypre shkruajti në greqisht që ishte “Lingua Franga” e rajonit në atë kohë, vetë me penën që mbante në dividin në brez, emrin e tij. Në Muzeun Historik Kombëtar ruhet një divid i sekretarit të Ali Pashë Tepelenës, Dhamo Marjanit nga Zagoria, i ngjashëm me këtë që dallohet në portretin e Fotos.
Disa ditë më vonë kur Dypre përpiqej që ti mbushte mendjen Ali Pashës ne Butrint për ti realizuar portretin i tregoi dhe portretin e Fotos. Ali Pasha qeshi sepse e njohu dhe i tha qe Foto ishte një nga armiqtë e tij më trima. Dypre nuk arriti ta bindte Ali Pashën por arriti ta pikturojë atë nga distanca që është taboja e njohur e Ali Pashës në gjueti në liqenin e Butrintit.
Personalitet e Pashallëkut të Janinës ishin luftëtarë dhe arsimdashës ose siç thonë burra të pushkës e të penës.///
ME SHUME LAJME
AKU kërkon tërheqjen nga tregu të sallamit “Galbanetto”, rrezik serioz për shëndetin
Sarandë. Polici merret peng nga të ndaluarit për disa orë brenda Komisariatit.AMP nis hetimet.
POETËT PA POEZI