Jo vetëm shi. Regjistrohen reshjet e para të borës në vend, temperaturat arrijnë 4 gradë

Tashmë na ndajnë zyrtarisht vetëm disa javë nga stina e dimrit, teksa janë regjistruar dhe reshjet e para të borës në vend. Sipas Autoritetit Rrugor Shqiptar, bora e parë ka rënë në Qafë Thore, Theth, ku temperatura shënon 4 °C. Sipas njoftimi të ARRSH, qarkullimi kryhet pa probleme. Prej disa ditësh vendi është përfshirë nga kushte të paqëndrueshme moti, teksa reshjet e dendura të shiut kanë krijuar probleme në qarkullim por dhe përmbytje në disa zona, ku më problematikë shfaqen qarqet Lezhe dhe Shkodër.///