Rama dhe familjarët, homazhe në nderim të 4 viktimave të 21 janarit

 Nga Gjergji MIMA

Pas ceremonisë përkujtimore të mbajtur me rastin e 13 vjetorit të ngjarjes tragjike së 21 janarit në Kryeministri, kreu i qeverisë, Edi Rama dhe familjarë të 4 viktimave të 21 Janarit 2011 zhvilluan homazhe në  Blv. ‘Dëshmorët e Kombit’. Ata vendosën lule në vendet ku mbetën të vrarë  “Dëshmorët e Atdheut” Aleks Nika, Ziver Veizi, Hekuran Deda dhe Faik Myrtaj.

Katër qytetarët e pafajshëm mbetën të vrarë para godinës së kryeministrisë së drejtuar atëherë nga Sali Berisha më 21 janar 2011 gjatë një proteste të opozitës së kohës.Kur kanë kaluar 13 vite, familjet e 4 protestuesve ende i drejtojnë thirrjet te drejtësia  që urdhëruesit e zbatuesit të marrin dënimin e merituar.

Edhe Gjykata Europiane e të Drejtave të Njeriut, në vendimin e 14 nëntorit 2023 për Aleks Nikën, argumenton se në hetimin e ngjarjeve të 21 janarit ka pasur mangësi të shumta, të cilat ngrenë dyshime se autoritetet e u përpoqën ta devijonin apo të ndërhynin padrejtësisht. (Homazhe në nderim të 4 viktimave të 21 janarit Foto: Florjan Abazaj////