Ksamil. Policia bashkiake e Sarandës vepron për një rrethim të paligjshëm dhe një barrakë

Policia bashkiake e Sarandës ka vepruar pas vënies në dijeni për një rrethim të paligjshëm dhe një barrakë të ngritur në Ksamil.

Sherbimet e Policisë Bashkiake Sarandë, bazuar në informacionet e grumbulluara, kanë konstatuar një tokë të rrethuar në mënyrë të paligjshëme në sipërfaqje prej 1500 m2 dhe një barrakë të vendosur brenda rrethimit.

Menjehere është njoftuar IVMT Bashkia Sarandë dhe Komisariati i Policisë Sarandë për ndjekjen e mëtejshme të rastit, ndërkohë që shërbimet e policise kanë asistuar  në prishjen e ketyre strukturave të paligjshme. Rasti në fjalë do te referohet në Prokurorinë pranë Gjykatës së Juridiksionit të Përgjithshëm Sarandë me qëllim zbardhjen dhe dokumentimin e plotë të ngjarjes.///