Ambasadori i Kosovës viziton Korçën: Paketa të përbashkëta turistike

Turizmi i përbashkët, fushat e kulturës dhe edukimit ishin disa nga pikat kryesore të diskutimit gjatë takimit të ambasadorit të Kosovës në Tiranë, Nait Hasani me kryetarin e bashkisë Korçë, Sotiraq Filo.Gjatë bashkëbisedimit me kryebashkiakun Filo, ambasadori Hasani shprehu interes për potencialet dhe resurset e veçanta turistike që ofron qyteti juglindor.Nga ana e tij kreu i bashkisë Filo tha se “Korça ofron vende turistike malore, objekte natyrore dhe objekte kulturore e historike, e që mund të shfrytëzohen nga vizitorët që vijnë nga Kosova e jo vetëm”.Fillo tha se, “investimet që janë kryer dhe vijojnë të zbatohen sipas planit strategjik për zhvillimin ekonomiko-social të bashkisë tonë, kanë shtuar pikat e atraksionit turistik në Korçë, duke e shndërruar qytetin në një destinacion të preferuar për çdo vizitorë në çdo stinë të vitit”//ata///