Ujësjellësi i Sarandës, përfshin me furnizim normal edhe zonat periferike

Nga Alda DERVENI

Së shpejti, Ujësjellësi i Sarandës, do të përfshijë me një furnizim normal me ujë të pijshëm edhe zonat periferike duke i dhënë fund një pritje të gjatë të banorëve dhe zvarritjeve ndër vite.

Burime nga kompania Ujësjellës Kanalizime Sarandë bënë të ditur se tashmë ka përfunduar me sukses prova për depon e ujit në “Lugun e Dardhës” e cila do të furnizojë 24 orë me ujë të pijshëm e me cilësi në zonat: Nga Teqeja bektashiane pranë rrugës “Baba Rexhepi”; (Limion): Pjesa e sipërme e Spitalit “Petro Nako” si dhe territori i “Lugut të Dardhës” lagjja numër 3.

Me anë të këtij investimi përmirësojmë cilësinë e jetesës së banorëve, por nxisim edhe zhvillimin e mëtejshëm të gjithë zonës, e cila po tërheq gjithmonë e më shumë turistë.-thanë të njëjtat burime /SarandaNews.al///