“Jeto me natyrën”, panair për promovimin e Zagorisë

Zagoria, një prej krahinave më të thella në bashkinë e Libohovës, po kthehet në një atraksion për t’u zbuluar për turistët vendas e të huaj. Në fushën e Çajupit këtë fundjavë u zhvillua panairi lokal “Jeto Natyrën”, ku banorët ekspozuan produkte të zonës.

Panairi u organizua nga bashkia Libohovë dhe Shoqata Zagorie, me pjesëmarrjen e grupeve të shumta të isopolifonisë, kulinarë, zejtarë, qëndistarë e biznese të zonës. Mes oazit me male të thepisura e qetësisë së natyrës paqësore që ofron fusha e Çajupit, u shpalosën traditat e kultura e pasur e kësaj zone.

Në panair u promovuan produktet dhe resurset e shumta që ka Libohova dhe Zagoria, të cilat njihen kudo për prodhimet bujqësore e blegtorale, bimët mjekësore dhe bukuritë magjepsëse.(Klodi Sara

/r.e/