Shërbimi Meteorologjik Ushtarak bëri të ditur se ditën e enjte vendi ynë do të ndikohet nga kushte atmosferike relativisht të paqëndrueshme për shkak të masave ajrore relativisht të lagështa me origjinë perëndimore.
Moti parashikohet me vranësira mesatare deri të dendura si dhe alternime të herëpashershme kthjellimesh me këto të fundit kryesisht përgjatë ultësirës perëndimore. Në zonën e veriperëndimit parashikohen reshje shiu të herëpashershme me intensitet të ulët dhe pas orëve të pasdites me intensitet mesatar. Në zonën e qendrës dhe jug parashikohen reshje shiu të herëpashershme me intensitet të ulët (kryesisht në formën e pikave). Mjegull e dendur lokale dhe mjegullinë kryesisht në zonat luginore, si dhe shikim i reduktuar në momentin e reshjeve të shiut.
Era do të fryjë me drejtim juglindje – jugperëndim me shpejtësi mesatare 2-8 m/sek, ndërsa përgjatë vijës bregdetare e lugina hera-herës pritet të fitojë shpejtësi dhe bëhet relativisht intensive 10-16 m/sek, shoqëruar me valëzimin në dete të forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 7/16 | Re shi diell |
| Kukës | 5/11 | Diell re |
| Lezhë | 8/16 | Re shi diell |
| Dibër | 4/13 | Diell re |
| Durrës | 11/17 | Diell re shi |
| Tiranë | 10/17 | Diell re shi |
| Elbasan | 6/17 | Diell re shi |
| Berat | 7/18 | Diell re |
| Vlorë | 11/18 | Diell re |
| Korçë | 5/13 | Diell re |
| Gjirokastër | 6/18 | Diell re shi |
| Sarandë | 10/18 | Diell re shi |
ME SHUME LAJME
Britanikja “Express”: Shqipëria, perlë e Europës për pushime me kosto të ulët
Sot mot i paqëndrueshëm, borë në lartësitë mbi 1000 metra
Kulturë. Fenomeni Alban Skenderaj.