Athinë. Hap për forcimin e bashkëpunimit ekonomik mes Shqipërisë dhe Greqisë

Në Athinë në kudër të çeljes së vitit ekonomik, 2025, Shoqata Industriale, Tregtare dhe Profesionale Greko-Shqiptare, zhvilloi një takim konstruktiv me kryetarin e saj, Panajot Rumi, njëkohësisht themelues i Rumming Group.

Burime diplomatike nga Ambasada shqiptare në kryeqytetin helen bënë të ditur se “Gjatë bashkëbisedimit u shpreh vizioni dhe angazhimi për forcimin dhe promovimin e marrëdhënieve ekonomike dypalëshe si një shembull në rajon.”

Të njëjtat burime vunë në dukje se” në fokus të diskutimeve ishin rritja e investimeve të përbashkëta dhe zgjerimi i rrjeteve të bashkëpunimit mes komuniteteve tona sipërmarrëse, si mjet për diversifikimin e tregjeve dhe çlirimin e një potenciali të lartë zhvillimi, në interes të dy vendeve.

Shqipëria dhe Greqia ndajnë një vizion të përbashkët për zhvillimin dhe prosperitetin e rajonit. Në këtë kuadër, institucionalizimi i veprimtarive të bashkëpunimit nëpërmjet organizmave dypalëshe, krijon alternativa efikase për një të ardhme më të fortë dhe më të qëndrueshme. /sarandaNews.al///