Sarandë. Policia arrestoi tre të rinj, dy pa dokumenta, i treti, ‘tapë’ në timon.

Policia e Qarkullimit Rrugor në Sarandë arrestoi sot tre të rinj, duke drejtuar automjetet. Policia tha se dy prej tyre ishin pa leje drejtimi ndërsa i treti, ishte në gjendje të dehur.

Specialistët e Seksionit të Qarkullimit Rrugor në Sarandë arrestuan në flagrancë shtetasit:

•   M.B., 28 vjeçe, banuese në Sarandë, pasi u konstatua në rrugën “Idriz Alidhima” duke drejtuar automjetin pa leje drejtimi.
•   O.L., 22 vjeç, banues në Sarandë, pasi u konstatua në rrugën “Onhezmi”, duke drejtuar motomjetin pa leje drejtimi dhe nuk i është bindur urdhrit të punonjësit të Policisë.
•   K.G., 29 vjeç, banues në Sarandë, pasi u konstatua në rrugën “Butrinti”, duke drejtuar automjetin në gjendje të dehur.

Materialet iu referuan Prokurorisë për veprime të mëtejshme.//sarandaNews.al///