Sarandë. PS përmbyll fushatën. Rreth 500 qytetarë rreth Ardit Bidos në lagjen 4

Rreth 500 qytetarë u mblodhën sot në Sarandë, në takimin përmbyllës elektoral të kandidatit për deputet të Partisë Socialiste, Ardit Bido.

Takimi u zhvillua në lagjen ku kandidati ka kaluar fëmijërinë dhe u kthye në një moment reflektimi për rrugëtimin politik të fushatës, por edhe për vizionin e tij për të ardhmen e zonës.

Mes entuziazmit të pjesëmarrësve dhe përshëndetjeve të shumta, Bido ritheksoi se përfaqësimi nuk është thjesht një mandat, por një angazhim i përditshëm për të qenë pranë qytetarëve dhe për të sjellë zgjidhje reale për nevojat e komunitetit.