Borsh. Aksidenti tragjik.

Burrë e grua humbën jetën ditën e djeshme si pasojë e një aksidenti të rëndë të ndodhur në aksin rrugor Borsh-Plazh.

Furgoni tip “Benz Vito”, me të cilin udhëtonin viktimat, u përplas “kokë më kokë” me një fuoristradë tip “Benz”.

Viktimat janë identifikuar si Kujtim Mehmeti, 60 vjeç dhe bashkëshortja e tij, emri i së cilës nuk është bërë ende publik.

Ndërsa dy personat që ndodheshin në fuoristradë, shoferi Myfit Qejvani dhe pasagjeri janë plagosur dhe janë dërguar në spital ku njëri prej tyre ndodhet në gjendje të rëndë.

Dyshohet se fuoristrada lëvizte në kraun e kundërt me shpejtësi tej normave të lejuara, me shpejtësi të lartë dhe nuk ka pasur asnjë tentativë frenimi në momentin e aksidentit.

Të dy të moshuarit kishin vendosur rripat e sigurimit dhe ndodheshin në korsinë e tyre në momentin e aksidentit.

Hetimet vijojnë për përcaktimin e plotë të shkaqeve të aksidentit tragjik.///