Një aksident automobilistik është regjistruar pas mesnate në qytetin e Sarandës. Automjeti tip “Chevrolet” me targa greke HNZ 4022, ka humbur kontrollin në rrugën “Lefter Talo” përballë një hoteli dhe është përplasur fillimisht me një shtyllë elektrike.
Si duket përplasja dyshohet të ketë qenë e fortë pasi mjeti ka përfunduar i përmbysur. Mësohet se nga aksidenti janë shkaktuar vetëm dëme materiale.
Shërbimet e qarkullimit rrugor që shkuan menjëherë në vendngjarje kryen testin e alkoolit për drejtuesin e mjetit, shtetasin Aleksandro Gunella 18 vjeç, ku nga testi rezultoi si fillim 0.58 mg/l dhe më pas 0.62 mg/l. Për rrjedhojë në këto kushte është bërë arrestimi nga policia i 18-vjeçarit Aleksandro Gunella.
ME SHUME LAJME
𝐑𝐫𝐮𝐠𝐚 𝐉𝐚𝐧𝐢𝐧ë–𝐊𝐚𝐤𝐚𝐯𝐢𝐣ë, vijojnë punimet në disa fronte.
Akte dhune gjatë protestës, gjashtë të arrestuar në Tiranë
Shqipëria synon 15.5 milionë turistë në vitin 2027, rritet kontributi i turizmit në ekonomi