Çështja “McGonigal”, Berisha: Shqiptarët duhet të mësojnë nesër të vërtetën

 Kryetari i Partisë Demokratike, Sali Berisha deklaroi në mbledhjen me grupin parlamentar të PD se kryeministri Edi Rama bëri gjithçka që të fshihet nga skandali ”McGonigal”.

Berisha tha se “në mocionin e nesërm në Kuvend, kryeministrit Rama do t’i numërohen në sy një për një e gjithë veprimtaria super mafioze për këtë çështje”.

Sipas tij, shqiptarët duhet të njihen me të gjitha aspektet e kësaj çështjeje.

Berisha tha se Edi Rama mori në mbrojtje McGonigalin dhe se është shumë e rëndësishme që shqiptarët të mësojnë nesër të vërtetën.

“Duhet të hetojmë për fitimet direkte të këtij grupi mafioz, me veprimtarinë e tyre mafioze në Tiranë. Duhet hetuar listat e përpiluara dhe shpërndara në të cilat dalin qartë emrat e Edi Ramës, Lulzim Bashës etj. Pra afera është e pashembullt, kalon nga afera e lobimit për asgjësimin e opozitës, tek lobimi kundër kompanive ruse, për kompani të tjera po ruse”, tha ai.///