Deputeti i PS bën humor me Bashën për Matematikën: Numrat të shënohen në procesverbal, zysha ime po më dëgjon

Nënkryetari i Grupit Parlamentar të Partisë Socialiste, Toni Gogu, i kujtoi Lulzim Bashës pikën e tij të dobët, Matamatikën. Në një replikë të shkurtër në Kuvend, Gogu tha se Basha s’mund të fliste në emër të shumicës kur vetë është një pakicë teksa po diskutohej për reformën zgjedhore.

Gogu kërkoi të fiksohej se për 9/10 e shqiptarëve nuk mund të flasë 1/10. “Sepse 1/10 bën 10% thotë zysha ime e Matematikës, nuk bën 90%”, deklaroi Gogu duke kërkuar ndërkohë shënimin e numrave në procesverbal. Pas zaptimit të foltores për disa minuta, kryetarja Lindita Nikolla përjashtoi Bashën nga seanca.///