Dua Lipa shijon pushimet në Shqipëri

 Këngëtarja Dua Lipa ka ndarë së fundmi fotografi nga pushimet e saj verore në Shqipëri, sipas revistës “Grazia”.

Këngëtarja 25-vjeçare e “Levitating”, shoqërohet në këto pushime nga i dashuri i saj, Anwar Hadid, 22 vjeç, i cili është vëllai më i vogël i modeleve Bella dhe Gigi Hadid.

Fotografitë nga udhëtimi në Shqipëri tregojnë turneun e saj në monumentet historike dhe artistike në të gjithë vendin, si edhe nga koha e lirë e kaluar me prindërit e saj, Dukagjin dhe Anesa Lipa.

Kohët e fundit, këngëtarja është kritikuar për mosndërprerjen e udhëtimeve ndërkombëtare gjatë kulmit të pandemisë COVID-19.

Megjithatë, duket se tani që kufizimet antiCOVID-19 po hiqen, Lipa thjesht po shijon një pushim të këndshëm me familjen dhe të dashurin dhe, sigurisht, ne nuk mund ta fajësojmë atë që dëshiron një aventurë të vogël në mrekullitë e vendit të origjinës së saj.///atsh///