Evis Allushi, emërohet prefekti i ri i Vlorës.

 Këshilli i Ministrave miratoi së fundi ndryshime në drejtimin e prefekturave të qarqeve Fier dhe Vlorë.

Qeveria vendosi lirimin nga detyra të Plator Nesturit, i cili mbante funksionin e prefektit të Qarkut të Vlorës, duke emëruar në vend të tij Evis Allushin.

Me vendim të posaçëm, u lirua nga detyra edhe prefekti i qarkut të Fierit, Arben Çuko, ndërsa në këtë post u emërua Anduel Xhindi.

Vendimet e Këshillit të Ministrave hyjnë në fuqi menjëherë dhe do të botohen në Fletoren Zyrtare.