Info Plus. Vota e diasporës, Celibashi: Kuvendi, afat brenda janarit 2024 për ndryshimet në Kodin Zgjedhor

Kryetari i Komisionit Qendror të Zgjedhjeve, Ilirjan Celibashi deklaroi sot në Edicionin e Tretë të Samitit të Diasporës se, Gjykata Kushtetuese i ka vendosur një afat Kuvendit, i cili duhet që brenda janarit të vitit 2024 të bëjë ndryshimet apo plotësimet në Kodin Zgjedhor. Në fjalën e tij në panelin “Politika e Jashtme dhe Diaspora”, Celibashi foli ndër të tjerat për kohën se kur mund të bëhet e mundur që shqiptarët në diasporë të bëhen pjesë e proceseve zgjedhore në Shqipëri e të kenë mundësinë të votojnë.

Celibashi tha se, Gjykata Kushtetuese tashmë i ka vendosur një afat Kuvendit, i cili duhet që brenda janarit të vitit 2024 të bëjë ndryshimet apo plotësimet në Kodin Zgjedhor”.

“Gjykata Kushtetuese i ka vendosur një afat Kuvendit të Shqipërisë, i cili është janari i vitit 2024, brenda të cilit Kuvendi duhet të bëjë ndryshimet apo plotësimet në Kodin Zgjedhor”, u shpreh ai.

“Çështjet, të cilat i ka listuar Gjykata Kushtetuese si të nevojshme, kanë të bëjnë me procesin e regjistrimit apo të përgatitjes së listës së votuesve të atyre që votojnë jashtë territorit të Republikës së Shqipërisë dhe se si do të llogaritet vota e tyre”, theksoi Celibashi.Në vlerësimin tim, u shpreh ai, “këto tri çështje nuk kërkojnë angazhim mendor të sofistikuar, janë çështje mjaft të thjeshta, por e kuptojmë të gjithë që në fund të fundit është edhe çështje vullneti apo realiteti politik vendas”. Por, shtoi kreu i KQZ “në fund të fundit thelbi është gjetja e një kompromisi të përbashkët mes pozitës dhe opozitës për t’u ulur e për të ofruar një zgjidhje të përbashkët”. Paneli “Politika e Jashtme dhe Diaspora” Foto: Flor Abazaj/atsh///