Linja e tragetit Brindisi – Sarandë, e cila ishte njoftuar se do te niste udhëtimet në prag të sezonit turistik, është anuluar pa dhënë ende arsye zyrtare.
Njoftimi erdhi si një surprizë e pakëndshme për shumë udhëtarë dhe operatorë turistikë që kishin planifikuar udhëtimet e tyre duke u mbështetur në këtë linjë të re trageti.
Kompania që operon linjën ka njoftuar me këtë rast klientët e saj përmes një mesazhi:
“Të dashur pasagjerë, Ju njoftojmë se linja Brindisi-Sarandë-Brindisi është anuluar. Për udhëtime nga Italia propozojmë nisjen Brindisi-Vlorë në orën 12.00 me mbërritje në orën 16.30 ose rimbursim të plotë të biletave. Për kthimet nga Shqipëria, ne propozojmë nisjen Vlorë – Brindisi në orën 23.30 me mbërritje në orën 6.30 të ditës pasardhëse, ose rimbursim të plotë të biletës.”
Ky zhvillim ka shkaktuar shqetësim tek shumë pasagjerë që kishin prenotuar udhëtimet e tyre dhe kishin bërë planet për pushimet verore. Shumë prej tyre tani duhet të riplanifikojnë udhëtimet e tyre, duke shfrytëzuar linjat alternative ose duke kërkuar rimbursime të biletave.
Anulimi i linjës së tragetit Brindisi – Sarandë vjen në një moment të rëndësishëm për turizmin në rajonin jugperëndimor të vendit, ku Saranda, mbetet një nga destinacionet më të njohura de të preferuara turistike në Shqipëri///
ME SHUME LAJME
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”
Një karrocë fëmijësh për kryeministrat
Policia masa shtesë për parandalimin e aksidenteve rrugore