Parashikimi i motit, e mërkurë 3 nëntor 2021

Për ditën e nesërme, vendi ynë do të ndikohet nga aktiviteti i masave ajrore relativisht të paqëndrueshme.

Moti parashikohet me alternime vranësirash deri të dendura me reshje e shiu me intensitet të ulët dhe lokalisht mesatar në formë shtrëngatash në pjesën veriore dhe pjesërisht atë qendrore.

Era gjatë pjesës së parë të ditës do të fryjë me drejtim kryesor nga kuadrati i jugut-juglindjes  dhe shpejtësi mesatare 3-12m/sek.

Përgjatë vijës bregdetare dhe zonat luginore në pjesën e dytë të ditës intensiteti i erës rritet, hera-herës parashikohet tufan ere dhe shpejtësi që arrin deri në 15-25m/sek.

Për shkak të erës intensive parashikohet edhe dallgëzim i lartë i forcës 6-7 ballë në detin Adriatik e kryesisht në Jon. Temperaturat me rënie në minimun dhe me rritje në maksimum.