Rama uron Servet Pëllumbin në 85-vjetorin e lindjes

 Ish-kryetari i Kuvendit të Shqipërisë, Servet Pëllumbi feston sot 85-vjetorin e lindjes. Në këtë 85-vjetor, Kryeministri Edi Rama i përcolli Pëllumbit urimet e tij për ditëlindje. Servet Pëllumbi ka lindur më 14 dhjetor 1936 në Korçë. Ish-kryetar i Kuvendit të Shqipërisë, Servet Pëllumbi njihet si një prej figurave, që ka luajtur rol kryesor në zhvillimet politike të vendit që prej fillimeve të tranzicionit.

Ai ka pasur një karrierë të gjatë politike në Partinë Socialiste dhe Kuvendin e Shqipërisë. Servet Pëllumbi është dekoruar nga presidenti Alfred Moisiu me urdhrin “Gjergj Kastriot Skënderbeu”.///