Vula e PD-së në Gjykatën e Apelit, përcaktohen gjyqtarët e çështjes

Në ambientet e Gjykatës së Apelit të Juridiksionit të Përgjithshëm ka nisur procedura e rindarjes me short elektronik të çështjeve gjyqësore. Një nga çështjet për të cilat është hedhur shorti ditën e sotme ka qenë edhe ajo për vulën e Partisë Demokratike.

Në bazë të shortit, është përcaktuar gjyqtarja Elona Mihali, e cila do të jetë relatorja e çështjes, ndërsa trupa gjykuese do të përbëhet nga Astrit Kalaja dhe Ireida Kacerja.

Ivi Kaso, përfaqësuesi ligjor i PD-së të drejtuar nga Sali Berisha ishte i pranishëm në procesin e hedhjes së shortit për të mësuar se kush do të jetë trupa gjykuese për këtë çështje.///