Aksident tragjik në Greqi, makina i merr jetën 5-vjeçares shqiptare

Mblidhte lulëkuqe anes rruges por një aksident tragjik i ka marrë jetën një vajze të vogël në Greqi me origjinë shqiptare. Ngjarja e rëndë ka ndodhur pasditen e djeshme në qytezën Lechaina,kur 5-vjeçarja e quajtur Klaudia ka perfunduar tragjikisht.

5-vjeçarja u dërgua me urgjencë në spitalin e Patras, por mjekët konstatuan vdekjen e saj. Aty pranë ndodheshin edhe prindërit , të cilët punonin prej vitesh në sera. Ndërsa drejtuesi i mjetit u arrestua dhe akuzohet për vrasje nga pakujdesia.

Prindërit e vogëlushes, Bledi dhe Dorina jetonin dhe punonin prej 30 vitesh në Greqi dhe ishin shumë të njohur për komunitetin lokal ku ata qëndronin. Ata janë prindër edhe të një djali i cili studion në gjimnaz.

Aksident tragjik ka shkatërruar familjen. Sikurse medias greke, babai i 5-vjeçares nuk pranon ende që vajza e tij nuk jeton më. Ndërsa nëna dhe vëllai janë të tronditur. Ngjarja e rëndë ka shkaktuar hidhërim edhe tek banorët e zonës e në komunitetin lokal.//jav///