Një front i ftohtë atmosferik pritet të kalojë nesër mbi vendin tonë. Moti parashikohet i vranët shoqëruar me reshje shiu të herëpashershme e lokalisht të vazhdueshme me intensitet të ulët dhe mesatar në pjesën më të madhe të territorit.
Në zonën e jugut reshjet në kohë afatshkurtër dhe lokalisht me intensitet deri të lartë në formën e stuhive dhe rrebesheve. Në relievet malore të vendit në lartësitë mbi 900 metër parashikohet reshje dëbore ndërsa në lartësitë mbi 1500 metër do të ketë intensifikim të reshjeve të dëborës.
Era do të fryjë me drejtim verilindje e fortë me shpejtësi mesatare 3 deri 8m/sek. Përgjatë vijës bregdetare veriperëndimore dhe zonat luginore të veriut era bëhet intensive në formën e tufanit dhe shpejtësi që arrin deri në 15-18m/sek. Valëzimi në dete i forcës 1-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 11/16 | re diell |
| Kukës | 3/6 | re shi/bore |
| Lezhë | 12/14 | re diell |
| Dibër | 0/4 | re shi/bore |
| Durrës | 12/15 | re diell |
| Tiranë | 12/14 | Re shi diell |
| Elbasan | 11/14 | re shi diell |
| Berat | 10/13 | re shi |
| Vlorë | 13/15 | re shi |
| Korcë | 3/7 | re shi/bore |
| Gjirokastër | 10/13 | re shi |
| Sarandë | 12/15 | re shi |
ME SHUME LAJME
PE vlerëson punën për territorialen, Mazniku: Nevojë për qasje të re ndaj sfidave të pushtetit vendor
Sot 5 maji, Dita e Dëshmorëve
“Chase Travel”: Riviera Shqiptare, destinacioni më “hot” i verës 2026