Një anëtar i lartë i Partisë Konservatore të Britanisë së Madhe tha se, mbajtja e maskave në shkolla mund të dëmtojë shëndetin mendor të fëmijëve pasi qeveria britanike këmbënguli se këto masa paraprake shtesë do të ndihmonin për vazhdimësinë e mësimdhënies.
“Rreziqet nga Covid-19 duhet të balancohen me rreziqet për mirëqenien e fëmijëve”, tha kryetari i Komitetit të Dhomës së Përfaqësuesve të Edukimit, Robert Halfon pasi qeveria njoftoi se maskat do të jenë të detyrueshme për nxënësit e shkollave të mesme në Angli.
“Nënsekretari Parlamentar i Shtetit në Departamentin e Arsimit, Will Quince erdhi në dhjetor, në komitetin tim dhe tha se kishte prova shumë të kufizuara për efikasitetin e maskave në mjediset arsimore”, tha Halfon për agjencinë e lajmeve PA.
“Shumë studime nga Belgjika, Kanadaja, SHBA-ja, sugjerojnë se maskat kanë një efekt të dëmshëm te fëmijët, ose mund të kenë një efekt negativ në shëndetin e tyre mendor, mirëqenien e tyre, aftësinë e tyre për të komunikuar, ndërgjegjësimin e tyre emocional”, shtoi ai. ///
ME SHUME LAJME
Rregullat për plazhet. Zbardhet kontrata e re, gjoba deri në 400 mijë lekë dhe rastet kur prishet kontrata
Nga malet e thepisura te brigjet e kristalta, Shqipëria në “lenten” e blogeres së udhëtimeve
”The Times” . Nga Mesdheu në Afrikë: Riviera Shqiptare mes vendeve më të rekomanduara për pushime