U hap në Tiranë panairi i Turizmit, mbi 100 ekspozues promovojnë ofertat turistike

U hap te enjten në Tiranë edicioni i katërt i Panairit të Turizmit, “ITE Days 2022”, panairi më i madh i Ballkanit.

Ndërsa ndau foto nga ky panair, Agjencia Kombëtare e Turizmit theksoi se “ITE Days 2022” është një ngjarje që përmbush dëshirat e industrisë së turizmit në tërësinë e saj me një pjesëmarrje të gjerë nga entitete dhe kategori të ndryshme si destinacione, struktura akomoduese, agjenci udhëtimi dhe turë operatorë.

Ky panair, unik në llojik e tij përfshin më shumë se 100 ekspozues, platforma B2B, shitje direkte, oferta dhe mundësi promovimi.

Agjencia Kombëtare e Turizmit, partnere në organizimin e këtij panairi ka qenë prezente me stendën e saj ku dhe ka mbajtur prezantimin me temë “Menaxhimi i mbetjeve në strukturat akomoduese”.///