Rama: Lamtumirë Nasho Jorgaqi

 Kryeministri Edi Rama ka shprehur ngushëllime sot për ndarjen nga jeta të shkrimtarit, Nasho Jorgaqi.

Përkthyesi, skenaristi, hulumtuesi dhe studiuesi shqiptar u nda nga jeta një ditë më parë në moshën 91-vjeçare.Mjeshtri i Madh la pas një krijimtari të pasur e të vyer në letërsi, kinematorgrafi si dhe një sërë botimesh shkencore.Kjo trashëgimi do të mbetet një pike reference për studiuesit, studentët e gjithë brezat e ardhshëm.

Nasho Jorgaqi lindi në vitin 1931 në Fier. Kreu studimet e larta për gjuhë e letërsi shqipe në Institutin e Lartë Pedagogjik të Tiranës (1955). Punoi si përgjegjës redaksie në Sh.B. “Naim Frashëri” (1955–1962), sekretar kolegjiumi i gazetës “Drita” (1962–1967); pedagog dhe përgjegjës i katedrës së letërsisë shqiptare në UT (1970–1993). Proza e shkurtër, novelat e tregimet e tij karakterizohen nga lirizmi dhe një shpalosje ndjenjash të holla njerëzore brenda një kornize përgjithësisht realiste.

Pas novelës “Dashuria e Mimozës” (1960), botoi përmbledhjet me novela e tregime “Ëndrra dhe plagë” (1963), “Manastiri i dashurisë” (1995), “Shpirti i magjepsur” (2000) etj., si dhe romanin me dy vëll. “Mërgata e qyqeve” (1978, 1979). Ka lëvruar edhe letërsinë dokumentare si biograf me veprat “Qemal Stafa” (1970), “Atentatori i peran-dorit” (1980) dhe si autor udhëpërshkri-mesh me librat “Larg dhe afër” (1978), “Udhëtim me Fan Nolin” (1995) etj. Vend të veçantë në serinë e veprave biografike zë libri në dy vëllime “Jeta e Fan S. Nolit” (2005).Në fushën e studimeve letrare është marrë kryesisht me probleme të letërsisë shqiptare midis dy luftërave botërore dhe me letërsinë arbëreshe, duke u përqendruar në autorë si F. Noli, F. Konica etj. Ka botuar librat: “Silueta letrare” (1976), “Antologjia e mendimit estetik shqiptar 1504–1944” (1979), “Poetika e dokumentit” (1987), “Estetika e fjalës shqipe” (1996), “Profile dhe probleme letrare” (2008) etj.

Gjithashtu, Nasho Jorgaqi është autor i disa veprave të konceptuara si udhëtime letrare në kërkim të figurave të njohura si Fan Noli, Naim Frashëri, De Rada, Zef Serembe etj., si dhe i disa skenarëve të filmave artistikë e dokumentarë dhe i disa librave për fëmijë.Mban Urdhrin “Mjeshtër i Madh” dhe Çmimin e Republikës të shkallës së parë.///