– Greqia ka filluar aplikimin e gjobave për personat mbi 60 vjeç, të cilët nuk janë vaksinuar kundër koronavirusit.
Rregulloret e reja kërkojnë që kushdo mbi kufirin e moshës të paguajë një tarifë mujore prej 100 eurosh, nëse zgjedh të mos vaksinohet.Rregulli i ri u shpall në nëntor.
Autoritetet shtetërore shëndetësore do t’ua kalojnë autoriteteve financiare emrat e të pavaksinuarve. Paratë do të përdoren për të mbështetur spitalet në Greqi.Kryeministri Kyriakos Mitsotakis deklaroi se ”ka një mënyrë të lehtë për të shmangur ndëshkimin dhe ky është vaksinimi”.
Qeveria tashmë e konsideron këtë masë të suksesshme.Që nga shpallja e sanksioneve, gjashtë javë më parë, rreth 217 000 njerëz mbi 60 vjeç janë vaksinuar.Kjo ka rritur shkallën e vaksinimit në këtë grupmoshë në 90%.
Por, Mitsotakis përjashtoi vaksinimin e detyrueshëm për grupmoshat e tjera duke thënë se ishin kryesisht të moshuarit ata që sëmuren rëndë dhe duhej të trajtohen në spitale./ata///
ME SHUME LAJME
Zbardhet dinamika e vrasjes në Sarandë, shpallet në kërkim autori dhe pesë të tjerë
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”
Një karrocë fëmijësh për kryeministrat