E rëndë në Vlorë. Mbytet turistja 44-vjeçare, e bija në gjendje të rëndë

Një ngjarje e rëndë është shënuar këtë të premte në plazhin e Vlorës, ku një turiste ukrainase është mbytur.

Ndërkohë një qytetar ka arritur të shpëtojë vajzën e saj, e cila mësohet se ndodhet në gjendje të rëndë shëndetësore.

Shefi i Reanimacionit në spitalin e Vlorës, Edmond Breshanaj, në një komunikim për mediat bëri me dije se thotë se turistja 44-vjeçare mbërriti në spital pa shenje jete.

“Të dyja nënë e bijë erdhën në spital rreth orës 12:00 në gjendje shumë të rëndë. Pacientja 44-vjeçare erdhi pa shenja jeta, bëmë çdo gjë, por nuk arritëm ta rikthenim në jetë. Vajza 18-vjeçare, edhe ajo erdhi në gjendje kome, por pas ndërhyrjes filloi të reagonte pas një ore, pasi tensioni i shkoi 11. Tani gjendja e vajzës është e qëndrueshme, ka mundësi që të mbijetojë”,-tha Edmond Breshanaj.///